Minii naiz

Шинэ оны мэнд хүргэе !!!

Юуны өмнө миний бичлэгийг уншин суугаа таньд болон гэр бүл, найз нөхдөд чинь шинэ оны мэнд хүргэж, амьдралд нь аз жаргал, сайн сайхныг хүсэн ерөөе.

Ажил гэрийн хооронд гүйсээр нэг жилийг ардаа орхиж, нас маань ч нэгээр нэмэгдлээ. Өнгөрсөн зул сарын баяраар эх нутагтаа очиж, хайрт аав ээж, ойр дотныхонтойгоо 2008 оноо угтаж байсан маань яг л саяхан мэт санагдаж байна. Тэр үед яг өнөөдөр аав болчихоод 3 сар болж байх юм чинээ төсөөлж байсангүй. Тэгэхээр ирэх жилийн өдийд хаана юу хийгээд явж байхыг гагцхүү Бурхан л мэдэж байгаа боловуу. Ямар ч байсан хувийн төлөвлөгөөгөө ерөнхийд нь төсөөлөөд л сууж байна.

Өнгөрсөн жилийг дүн нуруугаар нь авч үзвэл миний хувьд маш ивээлтэй сайхан жил болж өнгөрлөө. Нутаг буцаж ойр дотныхонтойгоо шинэ жил, бүр давраад цагаан сар гаргаад ирсэн, эхнэрээ америкт авч ирсэн, айлын хажуу өрөөнөөс орон сууцанд шилжин орсон, шинэ машин авсан, эхнэрээ ажилд оруулсан (албан ёсоор), дарга эздэдээ итгэгдэн тушаал дэвшиж ахлах багш болсон, үрийн зулай үнэрлэж аав болсон, хадамын виз гарч бид 3 дээр ирж том тус нэмэр болж байгаа гэхчлэн жагсаавал нилээд л юм болно.

Мишээл

Хорин хэдтэй зовлон үзээгүй залуу ч гэлээ
Хорвоод хүний л эцэг болхоороо өөр юм байна лээ
Бүрий хөл үдшээр бүүвэй аялдаг боллоо
Айдасийг нь аргадах гэж дуугаа зөөллөж
Аясахын шөнөөр үлгэр хүртэл зохиож үзсэн шүү
Туурган цаана уйлвал айсан чихэнд дуу нь чанга
Торгон дээр бүдэрлээч түгшсэн сэтгэлд эд нь хатуу
Уйлах инээх хоёрт нь санаа зөөлөрч
Унаган сэвлэгий нь үнсэхэд самсаа нялхармаар
Жамыг дагаад өснө гэж бодхоос
Жаахан бүлээрхвэл зовлон санах нь илүү
Заяа түшээд ториноно гэж бодхоос
Жаргалд эргэлзсэн нулимсанд нь уйдах нь илүү
Үртэй хүний сэтгэл гэдэг
Үүрд шувуухай тэнгэрт бүдрэх вий гэж эмээдэг юм байна лээ
Хорин хэдтэй зовлон үзээгүй залуу ч гэлээ
Хорвоод хүний эцэг болхоороо өөр юм байна лээ
Амь хайр хоёр шингсэн үрийнхээ тухай залбирч
Аав ээж хоёрийнхоо өмнө би мөргөлчин боллоо

(Ш. Гүрбазар "Үртэй хүний сэтгэл")

Яг үнэндээ гуч хол давсан хойноо анх удаа үрийн зулай үнэрлэж байна. Миний охин Мишээл 10-р сарын 1-нд Мэриланд мужийн Холи Кросс эмнэлэгт төрсөн. Дотоод гадаад хэн ч дуудсан нэрийг нь хугалж зэрэмдэглэхгүйг нь бодож энэ нэрийг хайрласан юм. Уг гарвал нь Mishelle (Michael-ын эмэгтэй хувилбар) буюу бурханыг магтан дуулагч гэсэн утгатай Франц, Еврей нэр. Монголоор бол мишээх, гэрэлтэн гийх гэсэн өөдрөг утгыг агуулсан нэр.

Bi ba minii ergen toirond

za ene bichlegee sportiin ordnii esreg tald baidag negen net cafe-aas bichij suuna. oird neg l ih ajil toroltei hun bolj gaduur baahan alhlaa. ene zuur tanidag tanidaggui, meddeg meddeggui olon l huntei uulzaj baina. minii ergen toirond buh yum ers oorchlogdsoniig genet medrev.

ochigdorhon l oron deeree devhtseed, tom & jerry tv-eer uzeed bayasaj yavsan jaahan huu odoo 10-r angiin tom huu bolchihson, enger duuren medali, shuugee duuren tsomtoi bolchihson baih yum. ochigdorhon l ih surguulid hamt surch yavsan naiz nuhud maani erdemten doctoruud bolchihson, tus tusiinhaa salbart tpdprch yavah yum. ochigdor l hamt ajillaj yavsan naiz maani haa baigaa govi-altain tonhil sumiin dund surguuliin zahiral bolchihson, tomoo guzeetei nambalag er bolchihson yavj baih yum. ene buhniig haraad naiz nuhduuruu baharhah ch, tsag hugatsaa gedeg huniig mash oor bolgodgiig harj anzaarlaa.

end 3 es ehleed huitnii erch ulam changarch baina. ene l chas hiisen huitniig medreh sen gej ih hussen yumsan. nutag saihan bainaa. harin gem ni ogloo ert, udesh oroi hotiin utaa uneheer hetsuu baina. dainii hajuugaar dajin gej sayahan shine onii zaag deer baganuurt hed heden hun tehnikiin spirteer nairuulsan arhi uuj hordood nileed hed ni chad hiiv. tuunees bolj gaduur horio tseer togtoogood delguur, baar, restoranuudaar arhi hudladaalahiig horiod baina. ene talaar hun buhnii uzel bodol oor baigaa ch, arhinii uildverleliig tsegtselj hun ardaa batalgaatai hunseer hangah tal deer bugd sanal neg baigaa baihaa.

yamar saindaa naiziin torson odroor arhi oldoogui, heduulee yosiig bodoj delguurees liquor-toi chiher avch oroig ni zalaj baigaad l dotorhiig ni doloohov. za tegeed horio tavigdlaa ch minii uuh hog ongorson, onoodroos "setgeshgui" hemeeh emnelgiin baria zasald yavj ehelsen. gam barij gashuun nyasuun yum uuhiig horigloson, bur usand ch orj bolohgui genelee.

end irsnees hoish anh udaa toglolt uzeh geed tsagaa huleej suuna, ehner maani ajlaa duusah bolj baigaa. garaad ireheer ni togloltiin tasalbaraar surprise barina. X-tuts hamtlagiin toglolt saihan boloh baihaa gej naidaj baina, hamtlagtaa ch bish gants favorite jujigchniihee togloltiig harahiig tesen yadan huleej baina.

za uugeer ondorlie. herev nad tsag baisan bol iluu ihiig shivmeer l baina.

sain buhen delgertugei

There is nothing more than home

Аян замдаа сайн явсаар гэртээ ирлээ. Ганцаар өнгөрүүлсэн 3-4 жил гэдэг хэн нэгний хувьд өчүүхэн мэт санагдаж болох ч, бие сэтгэлээрээ туулаад ирсэн маньд бол асар урт хугацаа байлаа. Гэлээ ч аль аль талдаа хичээн чармайсны эцэст зорьсон зорилгоо биелүүлээд ирсэндээ сэтгэл дүүрэн байна. Энэ хооронд ард үлдсэн амьдралд маань их өөрчлөлт гарчээ. Аав ээжийн маань үсэнд буурал хяруу тогтож, ах эгч нар маань нас тогтож, жаахан дүү нар өрх тусгаарлан гал голомтоо бадрааж, үрийн зулай үнэрлэцгээжээ. Намайг явах үед өлгийтэй байсан хүүхдүүд одоо сургуульд орчихсон цагаан толгой үсэглээд сууж байх юм.

За тэгээд аян зам бол тун дажгүй, сууж ирсэн онгоцонд маань өөр 3 монгол байсан болохоор тэдэнтэй ярьж хөөрч явсаар нислэгийн уртыг ч анзаарсангүй нэг л мэдэхэд Бээжинд ирсэн байлаа. Нутгийн бараа ойртох тусам сэтгэл догдлоостой, за тэгээд хил гааль амжилттай даваад хамаг ачаагаа түрээд л гараад ирсэн. Ах эгч, найз нөхөд маань тоссон. Гэрээ санасан надад хотын утаа тийм ч төвөгтэй санагдаагүй. Харин одоо л мэдэрч байна.

За тэгээд ирсний дараах хэд хоногт аав ээж, ах дүүгийнхээрээ зочилсоор л, гэхдээ одоо болтол найзуудтайгаа уулзах завгүй л явна. Ямар ч байсан тодорхой хэдэн хүмүүс рүү утас цохиж ирснээ мэдэгдсэн. Энд шинэ жил гээд л хүмүүс тун завгүй, гадуур хөл хөдөлгөөн ихтэй л байна.

Би ирээд долоо хонож байгаа юм байна. Ирснээс хойш хамгийн том баяр гэвэл бага охин дүү маань 29-нд маамуулж охинтой болсон, манайхан бүгдээрээ бөөн баяр, учир нь эгч маань арван жилийн өмнө охин төрүүлснээс хойш манайх зургаан ач (бүгд хөвгүүн)-тай болоод байсан юм.

Нутаг буцахын өмнө

Ирсэн гийчин буцдагийн үлгэрээр энэ оронд анх яаж ирсэн тэр л замаараа нутгийн зүг жолоо залах боллоо. Аав ээж, амраг хань, төрөл садан, найз нөхөдтэйгөө уулзах мөч улам бүр ойртсоор. Манай хэд ч намайг очих сурагаар гэр орондоо бөөн бэлтгэл болоод л байгаа сурагтай, би ч бас энд авч явах ачаагаа баглаж боох, өрөөгөө цэвэрлэж хүлээлгэж өгөхөөс эхлээд л бөөн ажил. Хийж амжуулаагүй зүйл их байх тусам энэ цаг ёстой түргэн жирэлзээд өнгөрчих юмаа.

Одоо нисэх хүртэл 36 цаг, гэртээ очиход 60 цаг үлдсэн байна. Маргааш ажлын сүүлийн өдөр, эрт ажилтай хүн унтаж амаръя даа.

Sarantuya - Shine jil manaid irlee

Манайхаар саатан морилж буй таньд шинэ оны мэнд хүргэж,

аз жаргал сайн сайхан бүхнийг хүсэн ерөөе!!!
Ирэх онд ажил төрөл чинь өөдрөг,
амьдрал ахуй тань өнгөлөг,
сэтгэл санаа тань тунгалаг,
юу санасан есөн цагаан хүсэл тань биелэх болтугай!!!